Caong – Dreams

Domdom caong makal mai oka biblaoh jieng…

Palak tangin ni caong cih thaik
Sa gah tasik hajao sa gah cek ram
Sa phun tagalao saong bangu thraoh
Sa baoh klao buei laik di cambuai
Sa tuai atah mai raweng bhum
Sa bhummi daok atah di tangin
Sa tangin salam auen raok
Sa paok bangu ndeh di mata
Sa hala that ber pataih
Sa aih taganum ba haluei
Ka laguai lagah parah atah
Sa blah khan njram khan hluh
Sa ratuh rabau urang mai
Sa adei saai wek sa tian
Galac.
..

Canau tangin ni caong
Weh tagok bara aia sa naong
Tuh di abaoh traong abaoh aik
Tuh di amraik satel la-u
Mahu nagar samar that
Mahu tanat di akhar
Mahu akhar di oh atah
Mahu oh rambah di ariya
Mahu oh parabha di urang
Mahu ailan bhang lac hajan
Mahu Parang Kraong Parik Pajai
satian
Galac.

Haitai baoh ni caong cang
Peng dom danaoh bhum-bhaok
Mboh dom praok halei jang klao
Rawek dom balau Ong mbong kaok
Takrâ cum mbaok Ong
juai samar klak cum
..
Assalamualaikum
Suuk kajap karo thuk siam
Abih anâk Cam grep nagar
Sa phik sa gaok sa dhan phun marai
..

Fling
Tamia
Ndom
Klao
Buei
Cheh
saong gep..

(ndih ohu wak ma-in, BG, 18/12/2010)

Chia sẻ cảm nhận của bạn