Akhar thrah Campa harei ni

Dom adei xa-ai anak campa ley!gleng gilac wek hai ka sap ndom saung akhar tapuk anak campa drei harei ni. drei mboh pa-ndik pa-ndwa lo ka panwoc ndom saung akhar ta puk campa drei dauk di jalan lihik matai. Dalam sap ndom campa drei harei ni maluk sap ywon ralo lo(pagap:dom gio nal?-tam gio ruoi)drei mboh adei xa-ai drei ndom lac dalipan tuh matuh hu min, blauh mboh hu thei ung ndom yuw nal o, dauk wek ralo sap drei ndom mung sap ywon. Nal ye ngap ka panwoc ndom drei lihik mung harei ni tapa harei deh.

Urang lac ung thuw sa urang manwis nal paran hagait, nal urang pang tapa sap ndom saung maung tapa akhar wak, drei nal sa urang campa min sap ndom drei maluk do sap ywon, akhar cam pwoc jang o tanat, yuw nal drei ka nhjep sa urang anak campa o hai?
Dom adei xa-ai drei harei ni drei ngap hagait pieh khik wek sap ndom saung akhar wak drei ni?dei ai drei ley xa-nung wek hai ka paran campa drei harei hadei, blauk ba gep khik wek hai ka paran drei.

Gruk nal, twei drei xa-nung mboh ngap jang mbwon min. Adei xa-ai drei tuk halei gauk gep marat ndom saung gep mung sap campa drei wek, mayah bauh halei drei oh thuw drei manhi gep wek, o ye dwah inulang iek wek. dom adei xa-ai drei buh tabiak 15 wak dalam sa harei pieh iek wek khar campa drei. Do nal min adei xa-ai drei khik hu ka anak campa drei panwoc ndom saung akhar paje.
Dahlak caung adei xa-ai drei ngap hu gruk nal lo, marat nao nhu anak campa.

adat kayuw phun hapak jruh tak nal
o kan jruh pak bikan drei tacei wek ka drei
(gleng anak)

Chia sẻ cảm nhận của bạn